ياهل العرس

اهل العرس
يبون عروسهم كشخة
وفستانها عند احسن مصمم
والصالة فندق خمس نجوم
والحلو من برة
ويحتاسون اهل العروس والمعرس
وخبصة
وكل بصوب
والبنات كل وحدة تبى تصميم
اللبس
الكوشة
الوان الكراسى
والكيكة واصلة السقف
والديون والقروض على هالعرس
ماتسوا على هالمعرس المسكين
والتكاليف تكسر اظهرة
يظل حالته حالة
عندنا هالمشكلة تزيد ماتنقص
وياويلها الى تلبس شئ بسيط
ماتسلم من السن اهل العرس
وكانها مسويا ذنب

المشكلة انه عندى عرس اختى
واشتريت فستان على قد الحال وعلى حسب ظروفى
بس اختى زعلت
وقالت ليشنا عرسى بتلبسين شئ عادى تفشلينى
وقلتلها هاذى مقدرتى
وقالتلى بساعدج
رفضت والبيت قام وماقعد وكنى مسوية جريمة
وانه الحين رايحة للمصممة حتى مايزعلون
ليمتا هاذى افكارنا
واذا حبينا نغير يقولون متخلفين
يااهل العرس
ليه كذا تسوون بعيالكم
وليش هالصرف والبذخ
ليه تحطمومنه من اول زواجة
كل واحد ومقدرته
اذا عندة فلوس مافى مشكلة
لاكن يقضى عمرة يسددقروض


ولا شرايكم

المشكلة عندنا (نحن الخليج) نحب التبذير بشكل مايصدق
لكن الشيء البسيط والله احسن مليوون مرة من الاشياء الفخمة والي مالها داعي ابدا
بس اللهم مجرد تفاخر امام الناس

الف شكر لكي اختي ام حائرة ..

اى واللهان عرس اختى
يامذهلة الشئ البسيط احلى
لاكن ذابحتنا المظاهر
واخرتها كلها تبذير والله لو الواحد يتصدق فيها بدل ما يرميها على اشياء تافة
فى ناس كثير محتاجة
وانه من الناس الى ماقدرت ارفض هالمنطق خوف على زعل اخواتى للاسف ادرى انى لازم اجامل بعد
وانى غلط والمفروض امشى ورا الى اشوفة بس علشان عرس اختى
والله صج ذابحتنا هالمظاهر

نعم البساطة ماحلها ليبارك الله في عرسا ليس فيه تبذير
شكرا اختي ام حائرة

مشكور عزيزى صوت الحق

أعتقد من الصعب علينا حالياً أن نتبسط بزواجاتنا

والسبب هي المظاهر التي أجبرت الكل على إظهار أجمل ما عنده حتى لو كان على حساب نفسه في الأيام القادمه

أعتقد ذلك شر لا بد منه

فكل فتاة لا تريد أن تكون أقل من غيرها (من وجهة نظرها)

ولعلني ألتمس العذر لها في ذلك لما يفرضه علينا الشارع في هذه الفترة